More Hindi Stories  Posts
Tera Mera Sath Rahen – Prince


Hello Everyone & Silent Readers, Mera nam Prince hai. Aap logo ne meri kahaniyo ko bahut pasand kiya iske liye aap sab logon ka bahut shukraguzar hu. Aaj ki meri ye kahani sachchi ghatna par aadharit hai ya kaho to real hi hai lekin maine kahani ko thoda dilchasp banane ke liye characters aur dialogues me kuchh badlav kiye hai. Is Incident par kahani likhna mera dream project tha, Kafi dino ki mehnat ke bad jo pura ho gya. Waise mai humesha se kahani ko khud par hi likhta tha lekin aaj ki kahani real hai isliye iska character koi aur hai. Is bat se koi fark nhi padta lekin mai bta deta hu ye ek sachche pyar ki dard-bhari kahani hai. Agar aap ek sachche premi/premika hai to jaroor pasand aayegi. Aayiye, sunte hai…

Aaj subah se hi bahut barish ho rahi thi. mera mann bahut hi udas tha kyoki mummy ne bahut dant diya tha or mara bhi, isliye kisi bhi kam me mann nhi lag rha tha waise to mera koi friend nhi tha jis se apni secrets share kar saku bas kuchh classmates the jinse bas kam ki bate ho jaya krti thi. Jab kisi kam me mann nhi laga to mai phir se phone leke baith gya, kuchh search krne laga tabhi maine ek love story (Story ka nam nhi bata sakta) ka link dekha. maine us par click kiya phir isi website par aa gya. Yaha par bahut sari real love stories hoti thi. khair maine us kahani ko padha bahut hi dard-bhari kahani thi jisme kisi ladki ne ladke ko dhokha diya tha, mujhe bahut bura laga phir bhi maine suggestions diye aur kuchh bate kahi comment me phir mai phone band karke apne kam me lag gya par na jane mera mann abhi bhi kisi kam me nhi lag raha tha to mai so gya. Phir achanak se neend khul gyi maine sapne me dekha to wahi story ke characters mere sapne me aaye the or mujhe aisa laga jaise samne koi film chal rahi ho? Mai thora dar gya phir phone on krke usi story par aa gya or phir se padhne laga… jab story khatm huyi to maine dekha ki mere comments ke bad bhi bahut se logo ne comment kiye the Par ek jagah nazar achanak se ruk gyi mere comment ke neeche kisi ne mera reply kiya tha. Maine dhyan se dekha to wo koi Shreya nam ki ladki thi usne comment me kaha tha “Hiren, aapne sach me bahut hi acchhi advice di aur aapki batein bhi bilkul sahi hai. Mujhe bahut acchhi lagi, Agar aap bura na mano to mai aapse friendship karna chahti hoon, To Kya aap mujhse dosti karoge?” Mujhe kuchh samajh nhi aa raha tha kya reply karu? Ya reply karu bhi ya ignore kar du? At last, maine reply kar hi diya “Shreya, Thanks aapko meri bate aur suggestions dono pasand aaye…agar aap mujhse dosti krna chahti ho to aapko pahle mujhse kuchh dino tk aise hi bat karni padegi phir hi mai aapko answer dunga.” us waqt wo bhi online thi to jald hi reply mil gya usne kaha ” As you wish”. Phir aise hi maine us se bahut sari bate ki story par hi usne mujhe btaya ki wo Lucknow se hai or uski study complete ho gyi hai ghar par hi rahti hai or bahut hi high-profile family se belong krti hai. Uski family me jyada log nhi hai bas mummy papa or wo aur unke uncle aunt log alag rahte hai. Use kabhi kisi cheez ki kumi nhi hoti hai, jo bhi chahiye hota hai bas 2 minutes me uske samne hota hai par pta nhi phir bhi wo khush nhi rah pati… usne ye bhi btaya ki uski ek best friend hai jiska nam Sanjana hai jis se wo sab kuchh share krti hai kuchh bhi nhi chhupati, Phir maine bhi use apne bare me sab bta diya waise mai ek low profile family se belong krta tha ghar me permanent financial problems rahti thi… khair aise hi hum roz bate krne lage mai daily rat me 10 baje online ho jata tha wo bhi aa jati story par phir pta nhi bat karte-karte 2-3 kab baj jate pta hi nhi chalta tha, kabhi-kabhi to subah bhi ho jati thi phir hum good morning kahke hi sone jate the… bas aise hi chalta raha … mai rat-bhar jagne laga tha jis wajah se mummy ko shaq ho jata kabhi-kabhi subah me der tk sone ki wajah se par phir bhi kuchh kaha nhi unhone kyoki mai har kam ab waqt pr krne lag gya tha waise mere ghar me char log the mai, mummy, papa aur ek badi bahan thi. Meri sister ki shadi ho chuki thi isliye hum teen log hi rahte the. Papa farmer the mummy housewife, mai graduation kar rha tha or sath me part time job bhi krta tha ek jagah office me. ek din achanak se mummy ki tabiyat khrab ho gyi. Mummy ko leke hospital gaya to Dr ne kaha kidney me stone hai operation karna padega. Aap ₹XX,XXX counter par deposit karwa dijiye. Mujhe samajh nhi aa rha tha itne paise kahan se lau? Papa ne pahle se hi bahut karz le rakha tha aur abhi tk chukaya bhi nhi tha… ab to hume koi paise dene ke liye bhi taiyar nhi hoga? Sister se bhi bat nhi kar skta tha kyoki shadi hone ke bad unlogo se humare relations theek nhi chalte the or agar sister hum logon se bat krti to unke family me bahut jhagda hota tha isliye hum logon ne khud hi un logon se contact khatm kar diya taki unki shadi na toote? Mai jahan kam krta tha wahan par bhi advance payment manga par unhone dene se mana kar diya, maine un logo ko sari bat btayi phir bhi unhone meri ek nhi suni. Mai bahut udas tha charo taraf sirf andhera hi nazar aa raha tha. Jab bhi mai udas hota tha to shreya se bat kar leta tha thora acchha feel hota mujhe us se bat karke, aaj bhi us se bat kar rha tha to mai kuchh bol hi nhi paa rha tha use samajhte der nhi lagi jaroor kuchh bat hai usne mujhse puchha kya hua? kuchh bol kyu nhi rhe ho? maine kaha kuchh nhi… bas aise hi bad me bat krta hu… usne mujhe apni kasam de di or kaha agar aapne mujhe nhi btaya to mai aapki life se humesha ke liye chali jaungi please maine itne dino tk aapki marzi se bat ki bas aise hi or agar ab aapne mujhe apna friend man liya ho to ab aap mujhe bta skte ho? hum friends hai ab… Maine use bahut samjhaya aur is bat ko talne ki koshish ki please kasam mt khilao, Wapas le lo lekin wo nhi mani. At, last maine use sab kuchh sach-sach bta diya usne kaha agar aap bura na mano to kya mai aapki help kar skti hu? Maine kaha dekho aapne kasam di thi isliye mujhe sab btana pada & I am sorry mai aapse help nhi le skta. Aur waise bhi aapne to mujhe dekha bhi nhi hai aap mujhpe kaise believe kar skti ho? Usne kaha ” Hiren dekhiye problem bahut serious hai aap jyada mt sochiye agar mummy ko kuchh ho gya to? Aur agar aap mujhse paise nhi lenge to kisi or se lenge hi na? mujhse hi le lijiye jab aapke pas ho jaye to aap mujhe lauta dena”, Mere pas bhi dusra koi option nhi dikh raha tha, to maine han kah diya.

Phir usi din humare numbers exchange huye… Maine pahli bar us se phone par bat ki, mujhe mummy ko dekhne bhi jana tha isliye jyada bat nhi kar paya maine bas use bank details or account number de diye. Usne kaha sham tk paise transfer ho jayenge. Phir mai hospital chala gya mummy ko dekhne papa wahin par the unhone mujhe room se bahar le aakar puchha kya hua? Paiso ka intezam hua ya nhi? Dr ne kaha hai pain badhta hi jaa raha hai kal hi operation karna padega. Tabhi mera phone ring hua maine dekha to bank se account credited ka message aaya hua tha. Maine kaha papa aap chinta mt kro, or operation kal hi hoga. Phir mai wahan se seedhe counter pe jake card se payment kar diya Or Receipt lake papa ko de diya. Papa ne mujhse puchha itne paise kahan se aaye? maine kaha papa mai aapko sab bta dunga bas mummy ka operation ho jane do pahle, tabhi Dr ne papa ko bula liya or reports dikhane lage. mai wapas ghar aaya to dekha shreya ke bahut sare calls aaye hue the maine call back kiya to usne cut kar di phir 10 minutes bad uska call aaya… usne mujhse puchha paise mile? maine kaha han mil gaye, mai aapka kaise shukriya ada karu? mai samajh nhi paa rha, agar aaj aap nhi hoti to meri mummy ka kal operation nhi ho pata, Thanks for everything! Mai aapka zindagi bhar ehsaan mand rahunga. Usne kaha iski koi jaroorat nhi hai ab hum friends hai. Phir thodi der bat karke maine phone rakh diya. Rat ke 8 baj rahe the, mai khana khake so gya phir subah me 4 baje hi neend toot gyi. Mai fresh hua or ready ho gya phir hospital chala gya Wahin par baitha raha 10 baje tk Papa ghar chale gye the Phir kuchh der bad Dr unhe operation theatre me shift karne le gye… Mai bhi mummy ke sath gate tk gya, Phir mummy chali gyi andar or red light jal gya. Mai bahar hi baitha tha phir papa bhi aa gye kareeb 2 ghante bad doctors bahar aaye to maine puchha kya hua? Unhone kaha operation successful raha but aap abhi unse nhi mil skte jab tk unhe hum wapas shift nhi kar dete. Phir hum log wapas ghar aa gye. Sham ko papa or hum hospital gaye to dekha wo log unhe wapas shift kar rhe the Phir mai mummy ke sath room tk aa gya, Mummy abhi bhi so rhi thi lekin unke chehre ke expressions pahle se better lag rahe the, Phir mai unko dekh ke hi wapas aa gya… Wapas aate waqt mera phone kahi gir gya mujhe pta nhi chala mujhe bahut afsos ho rha tha kyoki shreya ka contact number bhi usi me tha us se mera contact ab poori trah se toot chuka tha. mai ghar aake rone lag gya mujhe laga ab mai us se kabhi bat nhi kar paunga, Rote- rote hi pta nhi chala kab neend aa gyi phir so gya, Phir agle din hospital gya to Dr ne kaha Mummy ab theek ho chuki hai aap unhe ab ghar le jaa skte ho lekin unhe kum se kum 21 days tk koi kam nhi krna hoga completely bed rest. Phir hum mummy ko ghar le aaye, chuki mummy rest pe thi isliye ab ghar ka sara kam mai hi krta tha. Papa Bahar ke kamo me busy rahte the maine job bhi chhod diya. In dino mujhe shreya ki bahut yad aati thi ek pal bhi aisa nhi gya hoga jis din maine use miss nhi kiya hoga kabhi-kabhi mummy se chhupake rone bhi lgta tha. Jaise-taise din kat rhe the ek din rote huye mummy ne mujhe dekh liya to unhone mujhse puchha kya hua? Ro kyu rahe ho? Maine kaha kuchh nhi bas aap theek ho jao jaldi se. Aise hi 21 days complete ho gye, Ab mummy bilkul theek ho chuki thi unhone mujhe phir se job join krne ko kaha. Mai phir kam ki talash me idhar-udhar bhatak raha tha. Aakhir me ek jagah Showroom me Sales Boy ki job mil gyi. mai thoda khush hua chalo kam to mil gya magar abhi bhi shreya ki bahut yaad aati thi jitna dur jata uski yaado se, uski yaad utni hi jyada aati thi. Phir mai bas job krne me lag gya, Daily kam par jata or phir ghar aakar so jata. Roz ka yahi routine ho gya. Aise hi ek mahine ho gye to mujhe meri salary mili. Mai bahut khush hua phir maine jake ek badhiya sa phone liya sbse phle or kuchh paise apne pas rakhke baki paise mummy ko de diya. Mummy bhi khush ho gyi, Phir Maine phone on kiya or sbse pahle maine yhi website check ki, Ab yaha par bahut sari new stories post chuki thi. Mai sab stories ki comments me jaake check krne laga shayad shreya ka koi comment ho lekin afsos mujhe wo nhi mili. Phir mai usi story par gya jahan par hum mile the, maine dekha wahan par usne bahut se comments kiye hue the lekin sab 2 mahine pahle ke the, maine sare messages padhe phir apne aap ko bahut kosne laga, Mai ab rone laga tha. Mummy meri aawaz sunkar mere pas aa gyi or mujhse puchhne lagi kya hua? maine phir se bat ko talne ki koshish ki lekin unhone kaha ki agar tum nhi btaoge to phir mai bhi roungi. kya tum yhi chahte ho? Maine kaha nhi mummy, rote-rote hi maine mummy ko sab kuchh sach-sach bta diya ye bhi bta diya operation ke liye jo paise aaye the usne hi diya tha Itne me papa bhi aa chuke the aur unhone sab kuchh sunn liya. Phir maine mummy se kaha pta nhi wo mere bare me kya sochti hogi? Maine paise lekar us se bat krna bhi band kr diya aur ab wo yha bhi nhi aati? Mummy maine use humesha ke liye kho diya ab wo mujhse kabhi nhi mil payegi. ye kahte hi or jor-jor se rone lag gya. Phir mummy or papa ne mujhe chup kraya, Rat ho chuki thi isliye khana khake so gya par ab neend meri aankho se shayad humesha-humesha ke liye gayab ho chuki thi, bas rat-din unke hi khwabo me khoye rahte the. uski kahi har ek-ek bat mujhe yad aati thi, mai humesha bechain sa rahne laga tha kisi kam me bhi mann nhi lgta tha ab to.

Ab to mai daily ye website check krne laga tha shayad kisi story par wo mujhe dikh jaye, Par mujhe wo kabhi nhi milti thi mera number bhi change ho gya to call bhi nhi kar skti thi phir ek din pta nhi mujhe kya laga? Maine usi story par Shreya ko mention karte hue apni puri bat message me likhi aur comment kar diya. maine use sorry bhi kaha tha comment me aur maafi bhi manga tha. Do din tk kuchh bhi responce nhi hua na hi story ke comments increase hue mujhe laga ab shayad wo sach me yaha nhi aati hogi lekin teesre din jb maine wo story open ki to meri khushi ka thikana nhi raha usne mere comment ka reply kiya tha Mai bahut hi jyada khush tha Usne reply me likha tha “Hiren Aap kaha chale gaye the mujhe chhodkar, Aapko to meri bilkul bhi parwah nhi hai, Pta hai maine itne dino me aapko kitna miss kiya kitna royi hu kitna intezar kiya hai aapka, Mai humesha se aapke intezar me is story par aati thi or aap nhi hote the to mai phir chali jati thi. Meri friend Sanjana kah rhi thi aapne mujhe dhokha diya hai. Par mujhe pta nhi kyu is bat par yakeen nhi ho rha tha mai janti thi aap jaroor kisi pareshani me honge, Khair, Chhodiye, Or btayiye kaise hai aap? Mummy theek to hai na?” Maine bhi usko reply kar diya Or apna number bhi de diya. Usne phir mujhe sham ko call kiya jab mai job se ghar aa rha tha, phir maine raste me hi us se khoob bate ki. mai bahut khush tha aaj, ghar jake sabse pahle maine mummy ko sari bate btayi wo bhi bahut khush huyi phir unhone shreya se bat krwane ke liye kaha mujhe. Maine phone laga ke de diya phir unhone kafi der tk bat ki Aur phir Shreya ne phone rakh diya. Maine puchha mummy? kya kaha usne? Mummy kuchh bta hi nhi rhi thi bas has rahi thi, Ab maine puchhna bhi band kar diya to unhone mujhse aakar khud se kaha Waise Shreya kah rhi thi wo tumse pyar krti hai. kya ye sach hai? Mai to mummy ke muh se aisi bat sunkar haste huye pahli bar dekh rha tha. Jahan tak mujhe pta tha mere parents ko ye sab bilkul pasand nhi tha phir mummy ko pta nhi uski bato par gussa kyu nhi aaya? Maine mummy se is bare me bhi puchha? To unhone kaha han ye sach hai ki pahle mujhe bhi ye sab pasand nhi tha sab time pass ki cheez hoti hai aisa manna tha mera. bacche faltu me bigad jate hai lekin jab se tum dono ke bare me suna tab se mera nazariya hi badal gya. Shreya tumpe bahut bharosa krti hai tabhi to usne bina mile bina jane itne paise de diye. aaj-kal kaun itna bharosa krta hai kisi par? Hum agar kisi jan-pahchan ke logo ke pas bhi jate to wo bhi hume nhi dete. Mummy ki bat to sahi thi par maine mummy ko btaya ki uski family bahut hi high-profile hai wo log hume kabhi bhi accept nhi krenge. Mummy ne kaha wo sab bad ki bat hai pahle mujhe tum ye btao kya tum bhi us se pyar krte ho? Mai kya kahta? Meri to bolti hi band ho gyi, Mai bahut sharma raha tha mummy bhi sab samajh chuki thi. Phir ek din achanak se didi ghar aa gyi maine unhe dekhke shocked tha kyoki sath me jeeja ji bhi the. Mere liye ye kisi chamatkar se kum nhi tha, Mummy bhi ghar par hi thi. Didi rote hue mummy ke pas gayi or kaha maa aapne mujhe btaya kyu nhi ki aap beemar thi or aapka operation hua hai? Aap or papa shayad mujhe apni beti nhi manti isliye sab chhupaya aapne mujhse? aur to aur bhaiya (mai chhota tha phir bhi mujhe wo bhaiya hi bolti thi) ne bhi mujhse kuchh nhi kaha wo to bhala ho sharmaji (Humare bagal me rent par rahte the bahut hi acchhe insan the unka ghar bhi usi city me tha jis city me didi ka ghar tha colony bhi same tha) ka jo abhi kuchh din pahle humare yha aaye the unhone hi sari bat btayi hume. Maa ne kaha nhi Sapna ro mt, Maine hi use mana kiya tha, Shayad tumhare gharwale naraz ho jate isiliye humne nhi btaya. Itne me jeeja ji bhi bol pade maa...

hum sab apne kiye par bahut hi sharminda hai please hume aur sharminda mt kijiye, hum logo ne us din gusse me aakar jo kuchh bhi kaha uske liye mai sabki taraf se aapke pair padta hu aap hum logo ko maaf kar dijiye. Itne me mummy ne kaha Are! ye kya kar rhe hai aap? hum gussa nhi aapse chaliye ab uth jayiye. Phir mummy or didi kitchen me chali gyi aur jeeja ji mere pas aakar baith gye. mai bahut dino ke bad unse mil raha tha to mai bhi khush tha phir unhone mujhse puchha operation ke liye paise kahan se aaye? Maine sab kuchh sach-sach bta diya. Phir unhone mujhe ₹XX,XXX diye or kaha usko wapas kar dena. Mai nhi le raha tha maine kaha mere kuchh paise hai or pure paise jama hote hi jald hi mai use wapas kar dunga par unhone nhi mani meri bat aur jabardasti paiso ko mere pocket me dal diya. Phir mummy or didi kuchh khane ke liye le aayi. Hum sabne sath me khaya aur Jeeja ji ne meri aur shreya wali sari bat didi ko bhi bta di. Didi mujhe ek alag hi nazar se ab dekh rhi thi phir hasne lagi tab tak papa bhi aa gye or mummy ne papa ko alag le jaakr sari bat btayi to wo bhi khush ho gye aur kahne lage chalo acchha hua jo sab theek ho gya or sabki narazgi bhi dur ho gyi. Ab humari family me koi problem nhi thi sab theek ho gya tha bahut acchhe se life chal rhi thi. Didi or Jeeja ji bhi kuchh din rukne ke bad wapas chale gye. mere ghar me shreya ke bare me sabko pta chal chuka tha par shreya ne apne ghar me kisi ko nhi btaya tha kyoki uske papa bahut hi strict the.

Ab hum roz bat krte the ek-dusre se ghanto tk. Ab mujhe koi dar nhi tha kisi ko pta chalne ka. Ek din maine shreya se kaha mai aapke paise wapas krna chahta hu. Aap apne bank details aur account number do. Usne mujhse kaha iski koi jaroorat nhi hai. Maine kaha nhi please, mujhe aapke paise lautane hai mai jb tk aapko lauta nhi deta mujhe chain nhi aayega ab. Bahut request krne ke bad usne kaha theek hai par abhi nhi. To maine puchha phir kab? usne kaha wo mujhse milna chahti hai or jab hum milenge tabhi wo paise wapas legi. Maine kaha theek hai.Phir humne aur bhi bahut sari bate ki. Hum roz aise hi bat krte the. Phir achanak se mere exams near aa gye to mai ab us se kum bat krta tha study pe concentrate krta tha wo humesha mera bahut khyal rakhti thi aur mujhse kahti thi acchhe se preparation krna khana waqt pe kha lena or agar meri yad aaye to mujhe call krke bat kar lena. Aise hi dheere-dheere sare exams over hue results bhi out huye. Mujhe acchhe marks aaye the maine apne parents ko btaya shreya ko bhi btaya sab bahut khush huye. Ab mere ghar ki financial status me kuchh sudhar hua tha. Maine ab phir se job chhod di kyoki mujhe govt. job ki preparation karni thi to waqt nhi mil pata tha. Or mai phir se preparation me lag gya. Ek din Shreya ne mujhse kaha ki uske ghar wale uski shadi ke liye bat kr rhe the. Mujhe thoda azeeb laga kyoki abhi tak humne ek-dusre ko I Love You nhi kaha tha han ye bat alag hai lekin sabko pta chal chuka tha humare bare me. Phir maine bina soche-samjhe usi waqt us se I Love You kah diya. wo thoda shocked ho gyi kahne lagi ye kab hua? Maine kaha sach kahu to mujhe is bat ka ehsaas usi din ho gya tha jab mera phone kho gya tha mujhe us din hi pta chala mai aapke bina kitna adhura hu? Par chahke bhi kuchh nhi kar paya. I really love you so much shreya. Usne kaha ek bat btao? aap mujhe kabhi chhod ke to nhi chale jaoge na? Maine kaha kabhi nhi mai to aapke bina jee bhi nhi skta aur aap chhodne ki bat kar rhi ho aur agar mujhe aapko chhodna hi hota to dubara wahan comment kyu krta? Usne kaha Please Hiren Mujhe kabhi apne aap se juda mt karna, Mai mar jaungi agar kisi ne mujhe aapse juda krne ki koshish ki to? Maine itne din aapke bagair kaise bitaye hai ye mujhse behtar aur koi nhi jan skta. Phir Usne bhi mujhse I love you to kah diya. Mai bahut khush ho gya aur wo bhi bahut khush thi. Aise hi chalta raha, Phir mera S.S.C. ka exam aa gya, Maine exam diye mai khush tha kyoki exam bahut acchha gya tha Result bhi aa gye or mera selection interview ke liye ho gya tha. Maine sabko ye bat btayi sab bahut khush huye, Shreya bhi khush thi. Phir Ek din Shreya ne btaya ki uski engagement uske papa ne fix kar di hai aur kahne lagi mai nhi krna chahti kya mai papa ko jake sab bta du? mujhe bahut bura laga par phir bhi maine mana kar diya abhi nhi kyoki mere pas koi job bhi nhi thi to mai unki family me apni bat kaise krta? waise bhi wo log mujhe kabhi accept nhi krne wale the kyoki unke status or humare status me zameen-aasman ka fark tha. Phir aise hi din beetate gaye or uski engagement bhi ho gyi, idhar mera bhi interview acchha gya tha bas result ka wait tha. Jis din uski engagement huyi, us din rat ko mujhse bat krte waqt wo bahut hi jyada ro rhi thi maine is pahle kabhi usko apne samne itna jyada rote huye nhi dekha tha. wo kah rhi thi “Hiren mujhe pta nhi kyu aisa lag rha hai ab mai aapse juda hone wali hu Please aap mujhe chhodke to nhi jaoge na bolo na mai mar jaungi papa ne engagement bhi kar di ab kya hoga?” Maine us se kaha aap chinta mt kro mai kahi nhi jaa raha Sab theek ho jayega. Phir phone rakh diya. Mai thoda tension me tha ab, aisa lag rha tha jaise meri jan ko koi mujhse chhin raha ho or meri jan ab nikalne hi wali ho magar nikal nhi paa rhi ho. Maine mummy papa sabko bta diya unhone kaha dekho beta ye to hume bhi pta hai ki wo log hume kabhi accept nhi krenge phir bhi koshish krne me kya jata hai? hume lgta hai ab tumhe shreya se mil lena chahiye ek bar. mujhe bhi yhi sahi laga, maine use kah diya mai milna chahta hu aapse to usne kaha theek hai kab aaoge? maine bola jab aap kaho? Usne kaha ki uske parents 22 ko do din ke liye Out of India jaa rahe hai. Maine kaha theek hai. Aaj 18 tha to mai ab aage ke plans banane laga, Aise hi do din beet gye the, Aaj mera result bhi aa gya or mai finally select ho chuka hu tha job ke liye. Mummy ko pta chala to khushi se pagal ho gyi. mai bhi khush tha aakhir meri mehnat rang jo layi thi. Shreya ko btaya wo bhi khush huyi but phir sad ho gyi maine use samjhaya ab to mai aa rha hu na aapse milne don’t worry I hope ab sb theek ho jayega?

Phir kal meri subah ki train thi, To apna saman pack krne laga or so gya. Subah uthte hi fresh hua aur ready hoke nikal gya. Papa bhi mujhe station tk chhodne aaye the phir train chal padi, Pure 12 ghante ka safar tha, aur ek-ek ghanta mujhe 12 ghante lag rhe the. Jaise-taise safar khatm hua mai Lucknow pahunch chuka tha. Maine Shreya ko call kiya wo apne driver ke sath mujhe station lene aayi Phir wo mujhe ek hotel le gyi jahan pahle se room booked tha. Hum room me aa gye or maine door band kiya, Jaise hi maine door close kiya shreya mujhse lipat kar rone lag gayi bahut jor-jor se ro rhi thi mujhe samajh me nhi aa rha tha kya karu? maine bhi use gale se laga liya. Phir maine use chup kraya. Kareeb dus minutes tk humne hug kiya, Phir mujhe pta nhi kya ho gya mai use kiss karne laga wo bhi mera sath dene lagi, phir jald hi hum alag ho gye. Phir humne kuchh der tk bat ki aur maine use paise lautane ki koshish ki magar usne bas kuchh paise hi liye or baki mujhe lauta diye tab maine use ek gift diya jo mai secially uske liye hi laya tha wo gift leke bahut khush ho gyi, phir mai use gate tk chhod ke aa gya. wo apne ghar chali gyi. Agle din shreya mujhse milne hotel aayi, phir humne sath me khana khaya jo wo mere liye ghar se bana ke layi thi. hum sath me ghumane gaye. Usne mujhe pura Lucknow ghuma diya ek hi din me phir mai uske ghar bhi gya jahan mai kuchh der ruka phir aane laga to usne apne driver ko mujhe hotel tk chhodne ke liye kaha aur mai wapas aa gya. humne rat me bahut sari bate ki phir agle din shreya mujhse milne hotel aayi aaj mujhe wapas jana tha to wo pura din mere sath rahi, humne bahut sara waqt sath me beetaya. Shreya bhi mere liye koi gift layi thi jo usne jate waqt mujhe diya. Phir wo mujhe chhodne station tk aayi, Maine last bar use bahut tight hug kiya aur ab hum alag ho gye, mai nhi jana chahta tha lekin jana pad rha tha uski bhi aankhe nam thi. Mai aake apni seat par baith gya or train chal padi, Mai so gya phir subah me utha to dekha train usi station par khadi thi jahan mujhe utarna tha mai saman leke utar gya aur ghar aa gaya. Ghar aate hi mummy ne puchha mil liye? kaisi lagi wo? aur uski koi photo laye ho ya nhi? mujhe bhi dekhna aakhir humari shreya kaisi dikhti hai? Maine khush hokar kaha mummy wo bahut bahut bahut hi acchhi hai aur han laya ha na ye dekho, ye kahte huye maine phone mummy ko de diya. Mummy ne kaha han sach me ye to bahut hi khoobsurat hai. Ab mai mummy ko kaise btata ki mujhe uski khoobsurati se nhi uski sadgi se pyar hai. itne me shreya ka call aa gya, wo puchh rhi thi mai pahuncha ya nhi? maine kaha mai pahunch gya hu, phir shreya ne ek bahut hi bad news mujhe sunaya jisne puri trah se mujhe hilake rakh diya, uske parents ne uski shadi fix kar di thi 10 din bad hi shadi thi. maine shreya se kah diya ab hume bilkul bhi der nhi krni chahiye aap apne parents ko sab kuchh bta do mere bare me? dekhte hai unke kya views hai? usne kaha theek hai wo aaj hi sahi waqt dekh ke sab kuchh bta degi unko. Phir sham me uska call dusre number se aaya wo bahut ro rhi thi usne rote hue btaya ki wo apne parents se sari bate btayi, uski mummy ko koi aitraaz nhi tha par uske papa ne use bahut danta usne bahut samjhane ki koshish ki wo nhi jee payegi mere bina phir bhi unhone ek nhi suni or uska ghar se akele nikalna bhi band kar diya shadi hone tk aur to aur phone bhi le liya isiliye usne sanjana ke number se call kiya hai. Phir usne bad me bat krne ka kahke phone cut kar diya aur mai hello hello krta rah gya. Mujhe ab kuchh samajh me nhi aa rha tha kya karu? ek rasta tha ab wo bhi band ho chuka tha, Maine kisi ko kuchh bhi nhi btaya is bare me. Meri job ki joining date 1 mahine bad thi. Phir uske bad uska call nhi aaya aise hi 4-5 din guzar gye mujhe bahut tension hone lagi ab to, maine sanjana ke number par call kiya wo bhi off tha, phir aathwe din sanjana ka call aaya mere phone par or usne jo mujhse kaha sunte hi mere pairo se zameen khisak gyi usne kaha “shreya ne zahar kha liya hai aur ab wo hospital me hai Dr ne kaha hai ab wo shayad nhi bach payegi”. Mai sunte hi behosh ho gya phir mummy ne dekha to mere upar pani chhinta to mujhe kuchh hosh aaya. Maine rote hue mummy ko sab bta diya. Mummy bhi rone lag gyi phir mummy ne kaha mujhe lgta hai ab tumhe us se phir se mil lena chahiye shayad tumhe dekhte hi usme kahi jeene ki aas phir se uth jaye?

Mai ye sunte hi ghar se nikal pada station ki or pahunchte hi train lagi thi phir seedhe train me baith gya. Raste bhar bas mann hi mann rota hi gya. Rat me pahunch gya. Wahan par kisi hotel me ruk gya agle din maine sanjana ko call kiya or kahan ki wo mujhe hospital ka address btaye, mai aa raha hu abhi Lucknow me hu. usne mujhe bta diya , mai pahuncha to use call kiya wo ro rahi thi usne mujhe btaya shreya ab nhi rahi is duniya me.Abhi kuchh der pahle doctor ne use dead prove kar diya. Meri zindagi ujadane ke liye itna hi kafi tha. Mai hospital ke bahar hi khada ro raha tha tab tk sanjana aa gyi or mujhe shreya ke room tk le gyi. Wahan unke parents bhi the Mai rote-rote wahan gya to uske papa mujhse mafi magne lage beta mujhe maf kar do ye sab meri wajah se hua hai kash maine us din iski wo bat man li hoti to aaj shreya humare sath hoti, Mujhe ab khud se nafrat ho chuki thi mai kisi se bat nhi krna chahta tha maine koi jawab nhi diya or shreya se lipat kar rone laga… Kafi der tak mai aise hi raha to Sanjana ne mujhe us se alag kiya, mai room se bahar aa gya phir usne ek letter diya jo shreya ne suicide krne se pahle mujhe likha tha. Usme likha tha “Hiren My Baby Please mujhe maf kar dena maine aapko bina btaye itna bada faisla le liya mai janti hu jab aap mera letter padhoge tab mai is duniya se bahut door jaa chuki houngi Maine apna wada nibhaya mai sach me aapke bina jee nhi pati aur koi meri bat sunne ko taiyar hi nhi tha, mere sare raste band ho chuke the ek yahi rasta khula rah gya tha isliye maine ise hi chun liya. Han mai aapse pyar krti hu aur humesha krti rahungi. hum is janam me to nhi mil sake lekin agar possible hua to hum agle janam me jaroor milenge tab tak mai aapka intezar karungi. Apna khyal rakhna aur apne parents ka bhi. Goodbye humesha ke liye”, Mai phir se rone lag gya mujhe believe nhi ho rha tha jo ladki kabhi mujhse itna pyar krti thi usne bhi mujhe dhokha diya itna bada faisla le liya or mujhse kaha tk nhi iske liye mai use kabhi maf nhi karunga par ab mai bhi toot chuka tha. Phir mai usi halat me uske funeral me gya…
……………………………………………………………..

Dear Readers, Yaha tak ki sari bate mujhe uski likhi huyi diary me mili jise uske parents ne mujhe handover kiya tha aur usko hi maine kahani me badal diya. aur aaj agar mai is website par hu to sirf or sirf hiren ki wajah se. uski diary se hi mujhe pta chala tha yaha ke bare me. Ye diary mujhe aaj se lagbhag 5 sal pahle mili thi lekin simit waqt hone ke karan mai koi kahani nhi likh pata tha, chuki maine kuchh dino se kahani likhna shuru kiya hai isliye socha ab is kaam ko bhi pura kar lu.

Aage ki sari bate mujhe uske parents ne khud btayi thi jo maine kahani me badal di hai. Aayiye, sunte hai…

……………………………………………………………..

Hiren jab Shreya ke funeral me gaya to bahut hi udas tha, Jab uski cheeta ko jalaya jaa rha tha to bahut hi jyada rone lag gya phir sabne use chup karaya. Jab sab log wapas aane lage to hiren achanak se kahi gayab ho gya, Shreya ke papa ne sbko inform kiya sab usko dhundhne lag gye idhar-udhar. Phir kuchh der me kisi ki chilane ki aawaz aayi to sabne samne dekha wo hiren tha usne shreya ke sath cheeta par let kar khud ko bhi aag laga li thi, jab tak baki log wahan pahunchte wo aadha se jyada jal chuka tha use hospital me admit kraya gya but kuchh hi der me doctor ne use bhi dead prove kar diya… wo mar chuka tha. Shreya ke papa ko uske bag se uska phone suicide letters aur ye diary mila jo wo sath leke hospital aaya tha unhone uske parents ko inform karke Lucknow bula liya. Un dono ka ro ro ke bura haal ho rha tha unka ek hi beta tha wo bhi ab is duniya me na raha… aakhir wo ab kiske sahare jeete? wahan pahunchne ke bad shreya ke papa ne unko unke bete ka suicide letter diya tha jisme likha tha. “Mere pyare mummy aur papa, Aap log sbse pahle mujhe maf kar dena kyoki mujhe aisa nhi krna chahiye tha lekin mai krta bhi to kya karta? mai mazboor tha shreya bhi mujhe chhod kar chali gyi thi ab mai uske bina is dharti par zinda lash hi bankar rah jata. mai aapke kisi bhi sapne ya armano ko pura nhi kar pata ek zinda lash bankar isliye khud ko marna hi behtar laga mujhe. umeed hai aap agle janam me phir se humare parents banenge tab hum aapko koi shikayat ka mauka nhi denge, aapke har sapne ko pura karenge. Aur han mere acccount me ₹XX,XXX hai jo maine mummy ko nominate kiya tha, aap please mummy ko bank le jakar withdraw kar lena aapke kuchh kam aayenge. Mummy ab mai sudhar gya hu aapko mujhe thappar marne ki jaroorat ab nhi padegi, mai jaa rha hu humesha ke liye aapse door, Aap log apna khyal rakhna, Aapka Beta Hiren”.

Bas yahi thi Hiren Aur Shreya ki Prem Kahani! Padhne ke liye Shukriya.

Agar Aap logo ko ye kahani pasand aayi ho to comment jaroor karen? Aap apne reviews mujhe WhatsApp +919199007192 par bhi de skte ho…

...
...



Related Posts

Leave a Reply

Your email address will not be published. Required fields are marked *

One Comment on “Tera Mera Sath Rahen – Prince”

Punjabi Graphics

Indian Festivals

Love Stories

Text Generators

Hindi Graphics

English Graphics

Religious

Seasons

Sports

Send Wishes (Punjabi)

Send Wishes (Hindi)

Send Wishes (English)